Донесени решенија по дисциплински постапки против вработени во МВР по разни основи

Во текот на изминатата недела по спроведена дисциплинска постапка, донесени се четири решенија против четворица вработени во Министерството поради сторени повреди во работењето согласно одредбите по член 133 став 1 точка 10 и 11 и член 134 став 1 точка 8 од Колективниот договор на МВР.

- На четворица вработени изречена им е парична казна заради пречекорување на службените овластувања согласно одредбите по член 133 став 1 точка 10 и 11 и член 134 став 1 точка 8, а се работи за :

С.Ш. и А.А., полициски службеници при СВР Куманово, изречени им се парични казни во износ од 15% од месечната плата во наредните шест месеци (ја поминале наплатната рампа со службена легитимација);

Г.Б., полициски службеник при Одделот за посебни единици изречена му е парична казна во износ од 15% од месечната плата во наредните шест месеци (без дозвола ја отклучил канцеларијата на администраторот и го користел фиксниот телефон) и

Г.С., полициски службеник во полициска станица при СВР Штип, изречена му е парична казна во износ од 15% од месечната плата во наредните шест месеци (му упатил навредливи зборови на колега и сакал физички да се пресмета со истиот за време на работа).