Во текот на изминатата недела по спроведена дисциплинска постапка, донесени се четири решенија против четворица вработени во Министерството поради сторени повреди во работењето согласно одредбите по член 134 став 1 точка 1, 7 и 8 од Колективниот договор на МВР.

- На еден вработен изречен му е отказ на договорот за вработување, заради сторени повреди согласно одредбите по член 134 став 1 точка 1 од Колективниот договор на МВР, а се работи за :

М.М., полициски службеник во Одделот за криминалистичка техника, изречено му е отказно решение (неоправдано изостанал од работа три последователни дена).

- На двајца вработени изречена им е парична казна заради пречекорување на службените овластувања согласно одредбите по член 134 став 1 точка 7 и 8, а се работи за :

С.А., полициски службеник во Сектор за полиција, изречена му е парична казна во износ од 15% од месечната плата во наредните шест месеци (ја поминал наплатната рампа со службена легитимација) и

С.С., полициски службеник при СВР Охрид, изречена му е еднократна парична казна во износ од 15% од месечната плата (ја поминал државната граница без согласност од претпоставениот старешина).

Од страна на Министерството, за вработената Љ.Ч., документарист при СВР Струмица донесено е решение со кое се запира дисциплинската постапка поведена против истата, бидејќи нема повреда на член од Колективниот договор на МВР.