Во текот на изминатата недела по спроведена дисциплинска постапка, донесени се 13 решенија против 13 вработени во Министерството поради сторени повреди во работењето, согласно одредбите по член 133 став 1 точка 3 и 134 став 1  точка  4 и 7 од Колективниот договор на МВР и едно решение за запирање на дисциплинска постапка бидејќи нема утврдено повреда во работењето.

На 11 вработени изречена им е мерка парична казна,  на еден вработен му е изречена мерка отказ, како и на една вработена и е изречена мерка писмено предупредување, заради пречекорување на службените овластувања согласно одредбите по член 133 став 1 точка 3 и  134 став 1 точка  4 и 7 од Колективниот договор, а се работи за:

-          П.П. полициски службеник во полициска станица за безбедност на патниот сообраќај Гостивар, изречена му е парична казна во износ од 10% од месечната плата во наредните два месеци  (не презел мерки за расчистување на случај);

-          А.С. полициски службеник во полициска станица за безбедност на патниот сообраќај Гостивар, изречена му е парична казна во износ од 10% од месечната плата во наредните два месеци  (не презел мерки за расчистување на случај);

-          Ј.И. полициски службеник во полициска станица од општа надлежност Ѓорче Петров, изречена му е парична казна во износ од 10% од месечната плата во наредните четири месеци  (употребувал и бил под дејство на алкохол за време на работа);

-          А.Б. полициски службеник во полициска станица за обезбедување на државна граница Рогачево, изречена му е мерка отказ (управувал товарно моторно возило со туѓи регистерски таблици и учествувал во сообраќајна незгода);

-          Б.К. инспектор во полициска станица од општа надлежност Кавадарци, изречена и е мерка писмено предупредување (задоцнила на работа );

-          Г.Ц. командир на полициско одделение за безбедност на патниот сообраќај Македонски Брод, изречена му е парична казна во износ од 15% од месечната  плата во наредните три месеци (го нарушил јавниот ред и мир);

-          З.Ј. полициски службеник за обезбедување на дипломатски конзуларни преставништва, изречена му е парична казна во износ од 10% од месечната  плата во наредните три месеци (употребувал и бил под дејство на алкохол за време на работа);

-          Г.Б. полициски службеник во единица за брзо распоредување, изречена му е парична казна во износ од 15% од месечната  плата во траење од еден месец (спиел на работа);

-          Р.Т. полициски службеник во единица за брзо распоредување, изречена му е парична казна во износ од 15% од месечната  плата во траење од еден месец (спиел на работа);

-          К.М. полициски службеник во единица за брзо распоредување, изречена му е парична казна во износ од 15% од месечната  плата во траење од еден месец (спиел на работа);

-          Л.Ф. полициски службеник во полициска станица од општа надлежност Чаир, изречена му е парична казна во износ од 15% од месечната плата во наредните три месеци (се оддалечил од работното место);

-          А.Е. полициски службеник во полициска станица од општа надлежност Чаир, изречена му е парична казна во износ од 15% од месечната плата во наредните шест месеци (ослободил приведено лице без притоа да го заведе настанот во службената евиденција);

-          И.Н. полициски службеник во посебна мобилна единица на полицијата за борба против криминалот, изречена му е парична казна во износ од 10% од месечната плата во наредните три месеци (одбил да изврши наредба од претпоставен старешина);