Поради постоење на основано сомнение дека сториле кривично дело „неовластено производство и пуштање во промет на наркотични дроги, психотропни супстанции и прекурзори“, предвидено и казниво по член 215 од КЗ на РМ, против Д.И.(34), Ц.И.(37) и Т.И.(57), тројцата од Битола.

Според досега документираните сознанија, осомничените во текот на годинава, неовластено одгледувале „Канабис сатива“ во градинарска парцела во местото викано „Градско поле“, во околината на Битола, ја обработувале и ја наводнувале со помош на распрскувачки систем за наводнување.

При работа на нивата бил затекнат Ц.И., а веднаш потоа се приведени и другите двајца осомничени. Тројцата во информативниот разговор во полиција се бранеле со молчење.

Со судски налог е извршен претрес на споменатата парцела на која беа пронајдени и одземени вкупно 203 садници од растението „Канабис сатива“ со висина од 70 до 270 сантиметри. Одземениот материјал, уште синоќа е предаден на вештачење во Одделот за криминалистичка техника при МВР и потврдено е дека се работи за канабис, во различна фаза на развој, од кого со подоцнежна обработка се добиваат наркотични дроги марихуана и хашиш.

Вештачењето, заедно со доказниот материјал, кривичната пријава и осомничените ќе биде предадено на надлежниот Обвинител и Истражен судија.